ഫ്ലാറ്റിന്റെ അഞ്ചാം നിലയില്‍ നിന്നും ജോലിക്കിടെ വീണ് 20കാരന് ഗുരുതരം

കാസര്‍കോട്: നിര്‍മ്മാണം നടന്നുകൊണ്ടിരിക്കുന്ന ഫ്ലാറ്റില്‍ നിന്നും ജോലിക്കിടെ വീണ് 20കാരന് ഗുരുതരമായി പരിക്കേറ്റു. കര്‍ണാടക ഗദാകി ജില്ലയിലെ ചിരട്ടി കൊഞ്ചിഗെ കൊക്കൂര്‍ ഗന്ധിയിലെ തിപ്പണ്ണയുടെ മകന്‍ മോഹന(20)നാണ് കെട്ടിടത്തിന്റെ അഞ്ചാം നിലയില്‍ നിന്നും വീണ് പരിക്കേറ്റത്. ഉച്ചയ്ക്ക് മൂന്നുമണിയോടെയാണ് സംഭവം.

തളങ്കരയിലെ നിര്‍മാണം നടന്നുകൊണ്ടിരിക്കുന്ന ഫ്ലാറ്റിന്റെ ഫില്ലറിലെ തൂണില്‍ നിന്നും പലക മാറ്റുന്നതിനിടയിലാണ് അബദ്ധത്തില്‍ താഴേക്കുവീണത്. രണ്ടിലധികം പേര്‍ ചെയ്യേണ്ട ജോലി മോഹനന്‍ ഒറ്റയ്‌ക്കെടുക്കാന്‍ ശ്രമിക്കുകയായിരുന്നു. ഗുരുതരമായി പരിക്കേറ്റ മോഹനനെ കാസര്‍കോട് കിംസ് ആശുപത്രിയിലും പിന്നീട് മംഗലാപുരം ആശുപത്രിയിലും പ്രവേശിപ്പിക്കുകയായിരുന്നു.