തെരഞ്ഞെടുപ്പ് വിജയം: ബിജെപി ആഹ്ലാദ പ്രകടനം നടത്തി

കാസര്‍കോട്: നാലുസംസ്ഥാനങ്ങളിലേക്കുനടന്ന തെരഞ്ഞെടുപ്പില്‍ ബിജെപിക്കുണ്ടായ വിജയത്തില്‍ ആഹ്ലാദം പ്രകടിപ്പിച്ച് സംസ്ഥാനത്തെങ്ങും പ്രകടനങ്ങളും പൊതുയോഗവും നടത്തി. പടക്കം പൊട്ടിക്കല്‍, മധുരപലഹാര വിതരണം എന്നിവയും ഉണ്ടായിരുന്നു. ബിജെപി കാസര്‍കോട് ജില്ലാ കമ്മിറ്റിയുടെ ആഭിമുഖ്യത്തില്‍ കാസര്‍കോട് നഗരത്തിൽ നടന്ന പ്രകടനം കറന്തക്കാട്ടെ ഓഫീസ് പരിസരത്തുനിന്നും ആരംഭിച്ച് നഗരം ചുറ്റി ഓഫീസ് പരിസരത്തുസമാപിച്ചു.

വനിതകളടക്കം നൂറുകണക്കിനുപേര്‍ അണിനിരന്നു. ജില്ലാ ജനറല്‍ സെക്രട്ടറി അഡ്വ.കെ.ശ്രീകാന്ത്, മറ്റുനേതാക്കളായ പി.രമേശ്, നഞ്ചില്‍ കുഞ്ഞിരാമന്‍, എസ്. കുമാര്‍, അനിത ആര്‍ നായിക്, ശ്രീലത, കെ.എന്‍.വേണുഗോപാല്‍, സുധാമ്മ, ചന്ദ്രന്‍ തുടങ്ങിയവര്‍ നേതൃത്വം നല്‍കി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read: