നുസ്രത്തുല്‍ മസാക്കീന്‍ പ്രഭാഷണ പരമ്പരയിലേക്ക് വിശ്വാസികളൊഴുകി

തളങ്കര:തളങ്കര നുസ്രത്തുല്‍ മസാക്കീന്‍ സംഘം ആറാമത് സ്വലാത്ത് വാര്‍ഷികത്തോടനുബന്ധിച്ച് നടത്തിയ മതപ്രഭാഷണ പരമ്പരയിലേക്ക് വിശ്വാസികളൊഴുകി. ആയിരങ്ങളാണ് പ്രഭാഷണം ശ്രവിക്കാനായി തടിച്ചുകൂടിയത്.

'സ്വര്‍ഗം എത്ര സുന്ദരം'എന്ന വിഷയത്തില്‍ ജലീല്‍ റഹ്മാനി വാണിയൂര്‍ പ്രഭാഷണം നടത്തി. അറിവിന്റെ പുതിയ വാതായനങ്ങള്‍ തുറന്ന പ്രഭാഷണം തളങ്കരയ്ക്ക് പുതിയ അനുഭവമായി. അബ്ദുല്‍ നാസര്‍ മഅദനിയുടെ മകനും പ്രഭാഷകനുമായ ഉമറുല്‍ മുക്താറും മതപ്രഭാഷണ പരമ്പരയുടെ അവസാന ദിവസമായ ചൊവ്വാഴ്ച മുഖ്യാതിഥിയായി പങ്കെടുത്തു.

തെരുവത്ത് നജാത്ത് സംഘത്തിന്റെ സ്വലാത്തും പരിപാടിക്ക് മാറ്റ്കൂട്ടി. സുലൈമാന്‍ ഹാജി ബാങ്കോട് അധ്യക്ഷത വഹിച്ചു. യൂനുസ് തളങ്കര സ്വാഗതവും സഈദ് ഉസ്താദ് നന്ദിയും പറഞ്ഞു.