ജീര്‍ണതക്കെതിരെ മഹല്ലുകള്‍ ഉണരണം: എസ്.എം.എ

കാസര്‍കോട്: വര്‍ധിച്ചു വരുന്ന ജീര്‍ണതയ്ക്ക് അറുതി വരുത്താന്‍ മഹല്ല് ജമാഅത്തുകള്‍ സദാ സന്നദ്ധരാകണമെന്ന് സുന്നീ മാനേജ്‌മെന്റ് അസോസിയേഷന്‍ ജില്ലാ പ്രതിനിധി സംഗമം അഭിപ്രായപ്പെട്ടു. മഹല്ല് ജമാഅത്തുകള്‍ മുസ്‌ലിം സമൂഹത്തിന്റെ സമുദ്ധാരണ കേന്ദ്രങ്ങളാണ്. മതബോധവും മഹല്ല് നിവാസികളെ എല്ലാ അര്‍ത്ഥത്തിലും പരിഗണിക്കുകയും ചെയ്യേണ്ടുന്ന മാനേജ്‌മെന്റ് മഹല്ലില്‍ പൊതുവായി നടക്കുന്ന പ്രശ്‌നങ്ങളില്‍ ഇടപെട്ട്, നിസാര പ്രശ്‌നങ്ങള്‍ക്ക് പോലും കോടതി വരാന്തകളില്‍ കയറി ഇറങ്ങുന്ന സാഹചര്യം ഒഴിവാക്കുന്നതിന് മസ് ലഹത്ത് സമിതികള്‍ രൂപപ്പെടുത്തണം.

തന്റെ മഹല്ലില്‍ വ്യത്യസ്ത തലങ്ങളില്‍ പ്രവര്‍ത്തിക്കുന്നവരും വ്യത്യസ്ത രൂപ ഭാവത്തിലുള്ളവരുമുണ്ടെന്ന് തിരിച്ചറിഞ്ഞ് ആവശ്യമായ രീതിയില്‍ അവരെ പരിഗണിക്കേണ്ടതുണ്ട്. ആരെയും നാം കാണാതെ പോകരുത്. മഹല്ലുകളില്‍ പണ്ഡിതന്മാരെ ഗ്രൂപ്പ് തിരിച്ച് ആക്ഷേപം നടത്തുന്ന പ്രവണത ഉണ്ടായിക്കൂട. ഒരു പ്രദേശത്ത് വിവിധ ഗ്രൂപ്പുകാരും രാഷ്ട്രീയ പ്രവര്‍ത്തകരും ഉണ്ടാവുക സ്വാഭാവികമാണ്. അത്തരം സ്ഥലങ്ങളി വിഭാഗീയ പ്രശ്‌നങ്ങള്‍ക്ക് പരിഹാരമുണ്ടാക്കാനാണ് ശ്രമിക്കേണ്ടത്.


തന്റെ മഹല്ലിലെ ജന വിഭാഗങ്ങളെ പാരത്രിക മോക്ഷത്തിന് വേണ്ടി നില കൊള്ളാന്‍ പ്രാപ്തരാക്കുകയാണ് വേണ്ടതെന്നും. അതിനായുള്ള വേദികള്‍ സംഘടിപ്പിച്ച് പൊതു ജനങ്ങളെ ബോധവത്കരിക്കണമെന്നും സംഗമം അഭിപ്രായപ്പെട്ടു.

യോഗത്തില്‍ കാട്ടിപ്പാറ അബ്ദുല്‍ ഖാദിര്‍ സഖാഫി അധ്യക്ഷത വഹിച്ചു. പി.കെ അബ്ദുല്ല മൗലവി ഉദ്ഘാടനം ചെയ്തു. ഡോ. മുഹമ്മദ് കുഞ്ഞി സഖാഫി കൊല്ലം, അബ്ദുല്‍ ഹമീദ് മൗലവി ആലംപാടി, താജുദ്ദീന്‍ മസ്റ്റര്‍, വിവിധ സെഷനുകള്‍ക്ക് നേതൃത്വം നല്‍കി. ഇത്തിഹാദ് മുഹമ്മദ് ഹാജി അബ്ദുന്നസര്‍ ബന്താട്, അബ്ദുറസാഖ് സഖാഫി കോട്ടക്കുന്ന് പ്രസംഗിച്ചു. ലത്വീഫ് മാസ്റ്റര്‍ കളത്തൂര്‍ സ്വാഗതവും ബശീര്‍ മങ്കയം നന്ദിയും പറഞ്ഞു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Kasaragod, Kerala, S.M.A, Mahal, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.
Advertisement: