കുമ്പളയിലെ പൊട്ടിപ്പൊളിഞ്ഞ റോഡുകള്‍: വെല്‍ഫെയര്‍ പാര്‍ട്ടി നിവേദനം നല്‍കി

കുമ്പള: പൊട്ടിപ്പൊളിഞ്ഞ പഞ്ചായത്ത് റോഡുകള്‍ ഉടന്‍ നന്നാക്കുക, കത്താത്ത തെരുവ് വിളക്കുകള്‍  നന്നാക്കുക, മാലിന്യ സംസ്‌ക്കരണത്തിനു സ്ഥിരം പദ്ധതികള്‍ നടപ്പിലാക്കുക എന്നീ ആവശ്യങ്ങള്‍ ഉന്നയിച്ചു കൊണ്ട് കുമ്പള പഞ്ചായത്ത് പ്രസിഡണ്ടിന് വെല്‍ഫെയര്‍ പാര്‍ട്ടി കുമ്പള പഞ്ചായത്ത് കമ്മിറ്റി നിവേദനം സമര്‍പിച്ചു.

കുമ്പള പഞ്ചായത്ത് ഓഫീസിനു സമീപത്തെ റോഡുകള്‍ പോലും തകര്‍ന്നു കിടക്കുന്നു. സി.എച്ച്.സി. റോഡ്, റെയിവേ സ്‌റ്റേഷന്‍, കോയിപ്പാടി കടപ്പുറം റോഡ്, കുമ്പള കഞ്ചിക്കട്ട റോഡ്  തുടങ്ങിയ പ്രധാനപ്പെട്ട റോഡുകള്‍ പോലും തകര്‍ന്നു കിടക്കുകയാണ്. ശരിയായ രീതിയില്‍ അറ്റകുറ്റ പണി പോലും ചെയ്തിട്ട് വര്‍ഷങ്ങളായി. റോഡ് ഗതാഗത യോഗ്യമാക്കാനും തെരുവ് വിളക്കുകള്‍ ശരിയാക്കാനും മാലിന്യ സംസ്‌കരണത്തിന് സ്ഥിരം സംവിധാനം കാണാനും പഞ്ചായത്ത് നടപടിയെടുക്കാത്ത പക്ഷം വെല്‍ഫെയര്‍ പാര്‍ട്ടി ശക്തമായ സമര പരിപാടികളുമായി മുന്നോട്ടു പോകുമെന്ന് ഭാരവാഹികള്‍ അറിയിച്ചു.


നിവേദനം നല്‍കാന്‍ പഞ്ചായത്ത് കമ്മിറ്റി പ്രസിഡണ്ട് ടി.എന്‍. രാജപ്പന്‍, സെക്രട്ടറി ഇസ്മാഈല്‍ മൂസ, വി. എം ഷരീഫ്, രാമകൃഷ്ണന്‍, അബ്ദുല്‍ ലത്വീഫ്, ഹസന്‍ മൂസ എന്നിവര്‍ നേതൃത്വം നല്‍കി.
Keywords: Kumbala, Road, Road-damage, Kerala, Kasaragod, Welfare Party, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.