ചൗക്കിയില്‍ ലോറിക്ക് നേരെ കല്ലേറ്

ചൗക്കി:ദേശീയ പാതയില്‍ സി.പി.സി.ആര്‍.ഐ. ഗസ്റ്റ് ഹൗസിനടുത്ത് നാഷണല്‍ പെര്‍മിറ്റ് ലോറിക്ക് നേരെ കല്ലേറ്. വ്യാഴാഴ്ച രാത്രി 8.30 മണിയോടെയാണ് മംഗലാപുരത്ത് നിന്ന് കാസര്‍കോട്ടേക്ക് വരികയായിരുന്ന കെ.എല്‍. 56 ഇ 8056 നമ്പര്‍ ലോറിക്കുനേരെ കല്ലേറുണ്ടായത്.

കെ.എല്‍. 14 എന്‍. 4247 നമ്പര്‍ ബൈക്കിലെത്തിയ രണ്ടുപേരാണ് കല്ലെറിഞ്ഞതെന്ന് ഡ്രൈവര്‍ കൊയിലാണ്ടി സ്വദേശി ടി.പി. ഷിജു ടൗണ്‍ പോലീസില്‍ നല്‍കിയ പരാതിയില്‍ പറഞ്ഞു. പോലീസ് കേസെടുത്ത് അന്വേഷിക്കുന്നു.