ഐ.എന്‍.എല്‍ നേതാവ് നായന്മാര്‍മൂലയിലെ എം. ഉമര്‍ ഹൃദയാഘാതം മൂലം മരിച്ചു

നേരത്തെ ബേക്കറി ഉടമയായിരുന്ന ഉമര്‍ ഏറെക്കാലം പ്രവാസി ജീവിതം നയിച്ചിരുന്നു. ഐ.എന്‍.എല്‍. രൂപീകരിച്ചതു മുതല്‍ സജീവ രാഷ്ട്രീയ പ്രവര്‍ത്തനത്തില്‍ ഏര്‍പെട്ടിരുന്നു. ഭാര്യമാര്‍: ഫരീദ, പരേതയായ ആമിന. മക്കള്‍: റുഖ്‌സാന, റസീന, ഫര്‍സാന, നാസര്‍, റഫീഖ്, മരുമക്കള്‍: റാഫി ചെമ്മനാട്, ഷരീഫ് പാണലം. സഹോദരങ്ങള്‍: മഹമൂദ്, അബൂബക്കര്‍, അലി (ഇലക്ട്രീഷന്‍), അബ്ദുല്ല, യൂസഫ്.

ചൊവ്വാഴ്ച ഉച്ചയോടെ നായന്മാര്‍ മൂല ടൗണ്‍ ജുമാ മസ്ജിദ് ഖബര്‍ സ്ഥാനില്‍ ഖബറടക്കി.

ഉമറിന്റെ നിര്യാണത്തില്‍ ഐ.എന്‍.എല്‍. ജില്ലാ സെക്രട്ടറി അസീസ് കടപ്പുറം, സെക്രട്ടറിയേറ്റ് അംഗം മൊയ്തീന്‍ കുഞ്ഞി കളനാട്, മണ്ഡലം പ്രസിഡന്റ് മൊയ്തീന്‍ ഹാജി ചാല, വൈസ് പ്രസിഡന്റ് മൗലവി അബ്ദുല്ല ആലംപാടി, ജനറല്‍ സെക്രട്ടറി സി.എം.എ. ജലീല്‍, നാഷണല്‍ പ്രവാസി ലീഗ് ജില്ലാ ജനറല്‍ സെക്രട്ടറി ഖലീല്‍ ഏരിയാല്‍, മുസ്തഫ കുമ്പള, എന്‍.വൈ.എല്‍. ജില്ലാ വൈസ് പ്രസിഡന്റ് അഷ്‌റഫ് തുരുത്തി, മണ്ഡലം വൈസ് പ്രസിഡന്റ് കുഞ്ഞാമു ആലംപാടി, ഐ.എന്‍.എല്‍. ചെങ്കള പഞ്ചായത്ത് പ്രസിഡന്റ് ഇബ്രാഹിം പാണലം, മാഹിന്‍ ചേരൂര്‍, സി.എച്ച്. റിയാസ്, സെമീര്‍ നായന്മാറമൂല, ഗഫൂര്‍ ആലംപാടി തുടങ്ങിയവര്‍ വീട്ടിലെത്തി അനുശോചനം രേഖപ്പെടുത്തി. ഐ.എന്‍.എല്‍. ജില്ലാ-മണ്ഡലം-പഞ്ചായത്ത് കമ്മിറ്റികളും അനുശോചിച്ചു.